Í nýlegri könnun sem Miðlun gerði meðal íslenskra stjórnenda var spurt "Telur þú að auglýsingakaup þín á eftirfarandi miðlum muni minnka eða vaxa á næstu tveimur árum miðað við notkunina síðustu tvö ár?". Niðurstöðurnar voru áhugaverðar - fæstir hafa trú á að notkun þeirra á tímaritum sem auglýsingamiðlum aukist (3,5%). Flestir trúðu að bein markaðssókn mundi aukast (41,7%) og næst flestir trúðu á aukningu hjá netmiðlum (36,2%). Könnunin Stjórnendur og fjölmiðlar er hluti af SPOR könnunum Miðlunar.