Söluver Miðlunar tekur að sér hverskonar úthringi- og söluverkefni sem felast í jákvæðum samskiptum við fyrirtæki og almenning. Viðskiptavinir okkar nýta þjónustu Söluvers til að selja vörur og þjónustu, bóka sölumenn á fundi, fylgja eftir markpósti, uppfæra viðskiptamannaskrár, afla upplýsinga, styrkja samband við núverandi viðskiptavini og afla nýrra.

Hjá Söluveri Miðlunar starfar valinn hópur sölufólks sem vinnur fyrir viðskiptavini okkar af fagmennsku og krafti. Sölufólk Miðlunar selur vörur og þjónustu með hringingum til fyrirtækja og heimila á daginn og kvöldin. Meðal viðskiptavina okkar eru nokkur af stærstu fyrirtækjum landsins á sínu sviði. Starfsfólk Miðlunar býr yfir einstakri reynsluþekkingu á sviði sölumála.

Þjónusta við líknarfélög og félagasamtök

Miðlun ehf þjónar flestum stærstu líknarfélögum og félagasamtökum landsins. Þjónustan felst í samskiptum við meðlimi, stuðningsaðila og aðra viðskiptamenn. Miðlun stefnir að því að veita slíkum aðilum heildarþjónustu á sviði viðskiptatengsla. Þannig geta viðskiptavinir okkar einbeitt sér að því að veita félagsmönnum sínum og umbjóðendum aukna þjónustu.

Andri Árnason stýrir Söluveri Miðlunar. Hann er viðskiptafræðingur frá Copenhagen Business School. Sem þjónustustjóri söluversins hefur hann stýrt fjölbreyttum verkefnum sem lúta að sölu greiðslukorta, trygginga, fjarskipta, bankaþjónustu, bifreiða, fjölmiðla o.fl. Nánari upplýsingar veitir:

Andri Árnason
Netfang: andri(at)midlun.is
Sími: 695 2117